ბარსასთან დიდი მატჩის წინ - პსჟ-ს სავარაუდო შემადგენლობა „ოსერთან“ შეხვედრისთვის ცნობილია

27 სექტემბერს, ლიგა 1-ის მეექვსე ტურში პსჟ „ოსერს“ უმასპინძლებს და „მარსელთან“ დამარცხების შემდეგ გამარჯვების მოპოვებას შეეცდება. 

პარიზულ გუნდს ვერ დაეხმარებიან ტრავმირებული უსმან დემბელე, დეზირე დუე, ჟოაო ნევეში და მარკინიოსი, რომელიც მომდევნო სამ მატჩს გამოტოვებს, სამაგიეროდ მწყობრში ჩადგა ბრედლი ბარკოლა. 

„პარიზიენი“ წერს, რომ პსჟ-ს შეტევის ხაზი „ველოდრომზე“ ძალიან უნიათოდ გაისარჯა და მწვრთნელი ლუის ენრიკე მათგან მეტს მოელის. ესპანელმა სპეციალისტმა შეხვედრის წინ კომენტარი გააკეთა: „ჩვენთვის ახალი ფეხბურთელების დამატება ადვილი არ არის. ეს იგივე არაა, „აშანში“ რაც გინდა, ყველაფერი შეიძინო. როდესაც მოთამაშეს ყიდულობ, ყურადღებით უნდა იყო, რადგან ბევრი ფულის გადახდისას, მასზე დიდ ზეწოლას ახორციელებ. ჩვენ გუნდი ვართ, რაც გასულ სეზონში ვაჩვენეთ. სიმშვიდეს ვინარჩუნებთ და ყველაფრის გასაანალიზებლად მზად ვართ. ვიცით, ისეთი ფეხბურთელების მოძებნა, რომლებიც ჩვენს ხედვას შეესაბამებიან, ადვილი არაა“.

გამოცემა წერს, რომ ტრავმირებულების გარეშე „პარი სენ ჟერმენის“ შესაძლებლობები შეზღუდულია, ფლანგებზე კვარაცხელია და ბარკოლა გაირჯებიან, რაც გარკვეულწილად ეფექტურობის გარანტია იქნება და ეს მიუხედავად იმისა, ვის დააყენებენ „ცრუ ცხრიანზე“, შესაძლოა, ეს ლი იყოს, თუმცა კორეელი ამ პოზიციზე დამაჯერებელი ვერ გახლდათ.

პსჟ-ს სავრაუდო სასტარტო შემადგენლობა: შევალიე, ჰაკიმი, ზაბარნი, პაჩო, ერნანდესი, ზაირ-ემერი, ვიტინია, ფაბიანი, ბარკოლა, ლი, კვარაცხელია.შეგახსენებთ, პსჟ შემდეგ შეხვედრას 1-ელ ოქტომბერს, ჩემპიონთა ლიგაზე გასვლაზე „ბარსელონასთან“ გამართავს.