პარიზში შეშფოთებულები არიან - Le Parisien-ი კვარაცხელიას ტრავმის შესახებ ინფორმაციას ავრცელებს

„ბარსელონასთან“ შეხვედრამდე პსჟ-ში ტრავმირებული მოთამაშეების მდგომარეობამ გარკვეული შეშფოთება გამოიწვია - საუბარია ხვიჩა კვარაცხელიასა და ვიტინიაზე.

„ოსერთან“ მატჩის შემდეგ პარიზელებს ერთი დღე დასვენება მისცეს, ხოლო სამედიცინო შემოწმება ხვალისთვის არის დაგეგმილი.

ფრანგული გამოცემა „პარიზიენი“ იტყობინება, რომ ვიტინიას შემთხვევაში სერიოზული პრობლემა არ არსებობს. ლუის ენრიკე გაოცებული დარჩა, როდესაც პორტუგალიელმა 35-ე წუთზე შეცვლა მოითხოვა, თუმცა როგორც ჩანს, ფეხბურთელმა სიფრთხილის გამო დატოვა მოედანი.

რაც შეეხება ხვიჩას, მას სავარაუდოდ ბარძაყის კუნთი დაზიანდა და როგორც წყარო ამტკიცებს, „ბარსელონასთან“ მისი მონაწილეობა კითხვის ნიშნის ქვეშ დგას. საბოლოო პასუხი ორშაბათს გახდება ცნობილი.