უკრაინელების რეაქცია მატვეი საფონოვის გმირობაზე - მისი ქმედება ეჭვებს იწვევს

„ფლამენგოსთან“ საკონტინენტთაშორისო თასის ფინალში ხვიჩა კვარაცხელიამ ანგარიში გახსნა, ხოლო მატჩის შემდგომ პენალტების სერიაში გადამწყვეტი როლი პსჟ-ს მეკარემ, მატვეი საფონოვმა ითამაშა. რუსი კიპერი ფიფას ტურნირების ისტორიაში პირველი მეკარე გახდა, რომელმაც ზედიზედ ოთხი თერთმეტმეტრიანი დარტყმა მოიგერია.

თანამემამულის წარმატებას რუსულ სპორტულ მედიაში ფართო და, ბუნებრივია, დადებითი გამოხმაურება მოჰყვა — ლამის ყოველი მეორე სტატია სწორედ მას ეძღვნება. უკრაინული გამოცემები თემას შედარებით ნაკლებ ყურადღებას უთმობენ და ძირითადად მხოლოდ იმაზე ამახვილებენ ყურადღებას, რომ მატვეიმ მეორე პენალტი წესების დარღვევით მოიგერია.

football.ua: „საფონოვმა პსჟ ფაქტობრივად გადაარჩინა, თუმცა რამდენად სამართლიანი იყო ეს? მეკარემ ოთხი პენალტი მოიგერია, მაგრამ კარის ხაზზე მისი ქმედებები სერიოზულ ეჭვებს ბადებს. ამ ეპიზოდმა არაერთი კითხვა გააჩინა და მწვავე დისკუსიის თემად იქცა. გამეორებებზე აშკარად ჩანს, რომ დარტყმამდე ის კარის ხაზს სცდებოდა, თუმცა მსაჯებმა თერთმეტმეტრიანის ხელახალი შესრულება საჭიროდ არ ჩათვალეს“