ლუის ენრიკე ფინალის წინ - გეტყვით, რა იქნება მთავარი ამ მატჩში

„მარსელთან“ საფრანგეთის სუპერთასის მატჩის შესახებ ჟურნალისტების კითხვებს „პარი სენ-ჟერმენის“ მთავარმა მწვრთნელმა, ლუის ენრიკემ უპასუხა.

„ჩვენთვის ტიტულებისთვის ბრძოლა დამატებითი მოტივაციაა. კარგად გვესმის „მარსელთან“ ფინალური მატჩის მნიშვნელობა. გუნდი მოტივირებულია. მათთან ამ სეზონში დავმარცხდით, თუმცა როდესაც „მარსელს“ ეთამაშები ფინალში, რევანშზე საუბარი ზედმეტია – ეს სრულიად განსხვავებული ტურნირია და აქ მთავარი ემოციების კონტროლი, კონცენტრაცია.

სათამაშო სქემა სხვადასხვა ფაქტორზეა დამოკიდებული – მეტოქეზე, ფეხბურთელების ფიზიკურ მდგომარეობასა და სათამაშო დროზე. გადაწყვეტილების მიღებისას ყველაფერი უნდა გაითვალისწინო, თუმცა ერთი ფაქტი უცვლელია – ეს ფინალია. საშობაო შესვენების შემდეგ გუნდმა ძალები აღიდგინა და ახლა უკვე შეგვიძლია, ნამდვილი „პარი სენ-ჟერმენი“ ვიხილოთ.

რობერტო დე ძერბის („მარსელის“ მწვრთნელი) თავისი ფილოსოფია აქვს და ეს მომწონს. ჩვენი მიზანი ბურთის გაკონტროლება, მაღალი პრესინგის თამაში და მისი მალე დაბრუნება იქნება. მთავარია, მოედანზე ყოფნისას სიამოვნება მივიღოთ – ეს წარმატებისკენ მიმავალ გზაზე მთავარი ფაქტორია“, – განაცხადა ენრიკემ.

საფრანგეთის სუპერთასის მატჩი „პარი სენ-ჟერმენსა“ და „მარსელს“ შორის 8 იანვრს, ქუვეითში ჩატარდება. შეხვედრა თბილისის დროით 22:00 საათზე დაიწყება.