ცნობილია, იქნება თუ არა ნიუკასლთან კვარაცხელია ძირითად შემადგენლობაში

პარი სენ-ჟერმენი ჩემპიონთა ლიგის მერვე ტურის მატჩში ნიუკასლს უმასპინძლებს.

„პარი სენ ჟერმენში“ კარგი სიახლეებია. ვარჯიში განაახლეს ფაბიან რუისმა, ჟოაო ნევეშმა, ნუნო მენდეშმა, კანგ-ინ ლიმ და მატვეი საფონოვმა. ინდივიდუალურად ემზადება კენტენ ნჯანტუ. ფეხბურთელები გულთბილად შეხვდნენ ახალწვეულ დრო ფერნანდესს, რომელიც ჯერ განაცხადში შეყვანილი არაა. 

„პარიზიენი“ პრევიუში წერს, რომ უსმან დემბელეს ძირითად შემადგენლობაში ადგილი გარანტირებული აქვს, ისევე როგორც ხვიჩა კვარაცხელიას, იქედან გამომდინარე, რომ მოგება „ნიუკასლისთვისაც" აუცილებელია, შეტევაში მოუწევს წასვლა, კონტრიერიშებზე „პარი სენ ჟერმენს“ სწრაფი ბრედლი ბარკოლა გამოადგება და ალბათ, მასაც სასტარტოში ვიხილავთ. 

პსჟ-ს სავარაუდო ძირითადი შემადგენლობა: შევალიე, ჰაკიმი, მარკინიოსი, პაჩო, მენდეში, ზაირ-ემერი, ვიტინია, ფაბიანი, კვარაცხელია, ბარკოლა, დემბელე.