გასახდელში დაუპირისპირდნენ - ცნობილია, რატომ დატოვა ქეცბაიამ ანორთოსისი

თემურ ქეცბაია „ანორთოსისიდან“ კლუბის პრეზიდენტთან კონფლიქტის გამო წავიდა – ინფორმაციას გამოცემა Themasports-ი ავრცელებს.

„თემურ ქეცბაიას გათავისუფლების შესახებ „ანორთოსისის“ განცხადებაში მწვრთნელის მიმართ არც ერთი მადლიერების სიტყვა არ ყოფილა, მას სამომავლოდ არც წარმატება უსურვეს – ეს ბევრისთვის მოულოდნელი იყო.

გავრცელებული ინფორმაციით, „ხლორაკასთან“ მატჩის შემდეგ გასახდელში პრეზიდენტ კირიაკოს პრასტირისსა და ქართველ მწვრთნელს შორის სიტყვიერ დაპირისპირება მოხდა. ამ ინციდენტმა, დიდი ალბათობით, გადამწყვეტი როლი ითამაშა და საბოლოოდ ქეცბაია თანამდებობიდან გაათავისუფლეს“.

მეორე კვიპროსული გამოცემა „სიგმალაივი“ ამტკიცებს, რომ გუნდის გულშემატკივრები კლუბის პრეზიდენტის გადადგომას ითხოვენ.