საბა საზონვოთან დაკავშირებით უსიამოვნო ინფორმაცია ვრცელდება

იტალიის სერია A-ს „ტორინო“ ქართველ მცველთან, საბა საზონოვთან განშორებას გეგმავს – ინფორმაციას Telecomasia.net-ი ავრცელებს.

გამოცემის ცნობით, საქართველოს ნაკრების მცველს ზაფხულში კონტრაქტის ვადა ეწურება და ის კლუბს დატოვებს.

„ხელმძღვანელობამ საზონოვს უკვე აცნობა, რომ კონტრაქტს არ გაუხანგრძლივებს. მენეჯერები მისთვის ახალ კლუბს ზამთრის სატრანსფერო ფანჯრის დროსაც ეძებდნენ“, – ამტკიცებს გამოცემა Telecomasia.

გამოცემა წერს, რომ საზონოვის მიმართ ინტერესს რუსეთის პრემიერლიგის კლუბები გამოთქვამდნენ, მაგრამ ფეხბურთელი რუსეთში დაბრუნებას არ აპირებს და კარიერის გაგრძელება ევროპაში სურს.

24 წლის საზონოვს ამ სეზონში „ტორინოში“ არც ერთი მატჩი არ ჩაუტარებია.