ბიქსენტ ლიზარაზუს საოცარი სიტყვები - როცა კვარაცხელია შეტევაშია, მაშინ...

ლეგენდარულმა ფრანგმა ფეხბურთელმა, ბიქსენტ ლიზარაზუმ ხვიჩა კვარაცხელიაზე ისაუბრა. ფრანგულმა ტელეარხმა, Telefoot-მა, „პარი სენ-ჟერმენის“ გარემარბზე ვიდეორგოლი მოამზადა და ლიზარაზუმ „კვარა“ შეაქო. „ხვიჩა კვარაცხელია დიდი მატჩების ფეხბურთელია.

 ლივერპულის წინააღმდეგ საოცარი გოლი გაიტანა. დაცვაში ქვასავით მტკიცეა, შეტევაში — დანასავით ბასრი და ზუსტი. ეს ფეხბურთელი მიყვარს. მართლა მიყვარს. ვფიქრობ, კვარაცხელია ამ პარი სენ-ჟერმენის ერთ-ერთი საკვანძო მოთამაშეა.“ 

ლიზარაზუს გარდა, ხვიჩაზე ხავიერ პასტორემ და ჟერემი მენეზმაც ისაუბრეს. პასტორემ განაცხადა, რომ „კვარასნაირი“ ფეხბურთელების თამაშის ყურება ძალიან სიამოვნებს, მენეზმა კი აღნიშნა, რომ ქართველი გარემარბი სისწრაფით, ტექნიკითა და არაპროგნოზირებადობით გამოირჩევა. 

ცნობისთვის, კვარაცხელია და კომპანია მომდევნო შეხვედრას ჩემპიონთა ლიგაზე, 14 აპრილს გამართავენ. მეოთხედფინალის განმეორებით მატჩში პარიზელები „ენფილდს“ ესტუმრებიან და გიორგი მამარდაშვილის „ლივერპულს“ დაუპირისპირდებიან. ლუის ენრიკეს გუნდმა პირველი მატჩი 2:0 მოიგო და მომდევნო ეტაპზე გასვლის ფავორიტად ითვლება.