საფრანგეთის ნაკრების ყოფილი ფეხბურთელი - ოქროს ბურთს კვარას მივცემდი და აი, რატომ...

საფრანგეთის ნაკრების ყოფილმა ნახევარმცველმა, ოლივიე რუიემ L'Equipe TV-ის ეთერში ხვიჩა კვარცხელიას შესახებ აღფრთოვანებულმა ისაუბრა და კითხვაზე უპასუხა, არის თუ არა ქართველი ამჟამად პსჟ-ს საუკეთესო ფეხბურთელი. მისმა პასუხმა გადაცემის წამყვანები ცოტა არ იყოს გააკვირვა და უკმაყოფილო დატოვა:

„კვარაცხელიას მთავარი ამოცანა, ბურთის დაკარგვის შემდეგ მისი დაბრუნებაა. ვერ ვხედავ, რომ სხვები იგივეს აკეთებდნენ. ისეთივე ფორმაშია, როგორშიც გასულ სეზონში უსმან დემბელე იყო. წარმოუდგენლად გადამწყვეტია. ჩემი ნება რომ იყოს, დღესვე გადავცემდი „ოქროს ბურთს“. 

„ჩელსისთან“ შეცვლაზე შესულმა თამაში შეცვალა, „ლივერპულთანაც“ შესანიშნავი იყო. იგივე შემიძლია ვთქვა ჩემპიონატზეც. გუნდზე გავლენას ახდენს, პარტნიორების მორალურ განწყობაზე. ფორმის პიკზეა. დამისახელეთ მსოფლიოში სხვა ფეხბურთელი, რომელიც მის დონეზე ასპარეზობს... დაცვით სამუშაოს ასრულებს, ყველაფრის უნარი გააჩნია“.