ბადრი კვარაცხელია - მამუკა ჯუღელი ხვიჩა კვარაცელიას აგენტი აღარ არის

მამუკა ჯუღელი ხვიჩა კვარაცხელიას აგენტი აღარ არის. აღნიშნულის შესახებ "კვირის პალიტრასთან" ინტერვიუში საქართველოს ნაკრებისა და ფრანგული პსჟ-ს ვარსკვლავის მამამ ბადრი კვარაცხელიამ ისაუბრა.

"მამუკა ჯუღელი აღარ არის ხვიჩას აგენტი. ეს გადაწყვეტილება ორივე ოჯახმა ერთად, ურთიერთშეთანხმების საფუძველზე მივიღეთ. ხვიჩაც აქ იყო და ერთობლივად გადავწყვიტეთ, თანამშრომლობა დაგვესრულებინა. მამუკა ჯუღელს, როგორც აგენტს ძალიან მნიშვნელოვანი როლი აქვს ხვიჩას კარიერულ წინსვლაში. მამუკას მადლობა ვუთხარით ყველაფრისთვის, რაც წლების განმავლობაში გააკეთა ხვიჩასთვის, ერთმანეთს წარმატება ვუსურვეთ და დავემშვიდობეთ. ამ ეტაპზე ხვიჩას აგენტი არ ჰყავს. შემოთავაზებები არის, ბევრს აქვს კვარაცხელიასთან თანამშრომლობის სურვილი და ცხადია, სწორედ ხვიჩა და მისი ოჯახის წევრები გადავწყვეტთ, ვისთან ერთად გააგრძელებს მუშაობას".

მამუკა ჯუღელი ხვიჩა კვარაცხელიასთან წლების განმავლობაში თანამშრომლობდა. სწორედ ის იყო ქართველი ფეხბურთელის აგენტი, როდესაც კვარაცხელია ჯერ ყაზანის რუბინში, შემდეგ კი, იტალიური ნაპოლისა და პსჟ-ში აღმოჩნდა.