ეს იყო ყველაზე ცუდი მატჩი, რაც ჩაგვიტარებია და გეტყვით, რატომ - ლუის ენრიკე

„პარი სენ-ჟერმენის“ მთავარმა მწვრთნელმა, ლუის ენრიკემ საფრანგეთის ჩემპიონატის 2025/2026 წლის სეზონის ბოლო მატჩი შეაფასა, რომელიც მისმა გაწვრთნილმა გუნდმა „პარიზთან“ 1:2 წააგო.

ვიცი, რომ ამ მატჩს კონკრეტული მიზანი არ ჰქონდა, მაგრამ ეს იყო ყველაზე ცუდი თამაში, რაც ჩემი აქ ყოფნის სამი წლის განმავლობაში ჩაგვიტარებია. მატჩიდან არაფერი მიმაქვს, აბსოლუტურად არაფერი და ჩემი ფეხბურთელებისგან ბევრად მეტს ველოდები.

არ მიყვარს თავის მართლება და ვიცი, რომ ასეთი შეხვედრის თამაში რთულია, რადგან რა არის მოტივაცია? არანაირი მოტივაცია, მაგრამ როდესაც პსჟ-ში ხარ, ყველაფერი სხვაგვარადაა, უნდა აჩვენო, რომ განსხვავებული ხარ. დღეს ჩვენი მხრიდან ნამდვილად ძალიან ცუდი მატჩი ვიხილეთ, კმაყოფილი არ ვარ“, – განაცხადა ლუის ენრიკემ.

„პარი სენ-ჟერმენმა“ ლიგა 1-ის სეზონი 76 ქულით დაასრულა – გუნდმა ჩემპიონობა ოფიციალურად ერთი ტურით ადრე მოიპოვა.