რუსეთის ფეხბურთის კავშირის საპატიო პრეზიდენტი - კვარაცხელია არ გინდათ გაიხსენოთ?

რუსეთში პარი სენ-ჟერმენის მეკარის, მატვეი საფონოვის ასპარეზობამ დიდი მოწონება დაიმსახურა, თუმცა ამ საყოველთაო აღფრთოვანებას რუსეთის ფეხბურთის კავშირის საპატიო პრეზიდენტი, ვიაჩესლავ კოლოსკოვი აკრიტიკებს. ფიფას ყოფილი ვიცე-პრეზიდენტის მოსაზრებით, ხვიჩა კვარაცხელიას თამაში გაცილებით მეტ დაფასებას საჭიროებს.

Matchtv-სთან საუბრისას კოლოსკოვმა აღნიშნა, რომ საფონოვის ირგვლივ ატეხილი აჟიოტაჟი გადაჭარბებულია. მან ხაზი გაუსვა იმ ფაქტს, რომ ფინალურ შეხვედრაში მეკარემ პსჟ-ს რიგებში ყველაზე დაბალი შეფასება დაიმსახურა. მისი თქმით, საფონოვმა უბრალოდ საკუთარი მოვალეობა შეასრულა და გუნდი არ დააღალატა, თუმცა მისგან გმირის შექმნა ზედმეტია.

ამის საპირისპიროდ, კოლოსკოვმა ჟურნალისტებს ხვიჩა კვარაცხელიას თამაშისკენ მიაპყრო ყურადღება. მისი თქმით, ქართველმა ფეხბურთელმა „არსენალთან“ მატჩში პენალტი მოიპოვა, მეტოქეს დიდი პრობლემები შეუქმნა და მინიმუმ ისეთივე ყურადღება დაიმსახურა, როგორიც რუსმა მეკარემ.