“ჩემს კარიერაში ამ ერთ რაღაცას ძალიან ვნანობ” - რონალდუს აღიარება

კრიშტიანუ რონალდუმ თავისი ყველაზე დიდი საფეხბურთო სანანებელი გაამჟღავნა:

"როდესაც „მანჩესტერ იუნაიტედში“ ჩემს პირველ წლებს ვიხსენებ, მეტისმეტად ბევრ დროს ვხარჯავდი ფანების ფინტებით, დრიბლინგით გართობაში, ნაცვლად იმისა, ყურადღება გოლების გატანაზე გამემახვილებინა.

როგორც ახალგაზრდა გარემარბს, მსიამოვნებდა მცველების მოტყუება და საკუთარი ოსტატობის გამოვლენა. თუმცა გამოცდილებასთან ერთად გავაცნობიერე, რომ საუკეთესო მოთამაშეებს სხვებისგან საბოლოო შედეგი - გოლები და საგოლე გადაცემები - გამოარჩევს.

სერ ალექს ფერგიუსონმა ჩემი აზროვნების შეცვლაში დიდი როლი ითამაშა. მან მასწავლა, რომ გამეხადა ჩემი თამაში უფრო პირდაპირი, უფრო გადამწყვეტი და მეფიქრა იმაზე, თუ როგორ შემეძლო მატჩების ბედზე გავლენის მოხდენა გოლების გატანითა და შექმნით.

ამ ცვლილებამ საფუძველი ჩაუყარა ჩემი კარიერის დარჩენილ ნაწილს. მოგვიანებით, „რეალ მადრიდში“, განვითარება განვაგრძე და კარის წინ კიდევ უფრო ცივსისხლიანი გავხდი, რამაც ჩემი კარიერის ყველაზე მაღალ საგოლე მაჩვენებლებამდე მიმიყვანა.

ეს გაკვეთილი უფრო ადრე რომ გამეგო, მჯერა, მთელი კარიერის განმავლობაში კიდევ უფრო მეტ გოლს გავიტანდი".