რა ბედი ელის მეკარეს, რომელთან შეჯახების შემდეგაც ესპანელი ფეხბურთელი დაიღუპა

„ანდორას“ მეკარე ხესუს ოვონო, გავრცელებული ინფორმაციით, შესაძლოა სისხლისსამართლებრივ პასუხისმგებლობას გადაურჩეს ინციდენტის გამო, რომელსაც ტრაგიკული შედეგი მოჰყვა. მოედანზე მომხდარი შეჯახების შედეგად „ტენერიფეს“ თავდამსხმელი ხესუს დე მიგელი გარდაიცვალა.

ინციდენტის შემდეგ გავრცელდა ახალი ვიდეოკადრებიც, რომლებშიც ჩანს, როგორ უპირისპირდება ოვონო გულშემატკივრებს. როგორც ირკვევა, ქომაგების ნაწილი მეკარეს „მკვლელს“ უწოდებდა, რასაც ფეხბურთელის მხრიდან მწვავე რეაქცია მოჰყვა.

თუმცა, ესპანური მედიის ცნობით, ოვონოს შესაძლოა სპორტული სანქციები მაინც დაეკისროს. საუბარია 8-დან 12-მატჩამდე დისკვალიფიკაციაზე.

ამ დროისთვის საბოლოო გადაწყვეტილება მიღებული არ არის. შესაბამისად, უცნობია, რა სახის სასჯელს მიიღებს „ანდორას“ კარის დარაჯი.