მოვლენათა ასეთ განვითარებას არავინ ელოდა - ოსიმენის ახალი გუნდი პრაქტიკულად ცნობილია

მიუხედავად იმისა, რომ მოვლენების ასეთი განვითარება ბევრი გულშემატკივრისთვის მოულოდნელი იყო, ვიქტორ ოსიმენის მომავალი თითქმის გარკვეულია – ნიგერიელი თავდამსხმელი შესაძლოა თურქეთში დარჩეს.

„Fanatik“-ის ინფორმაციით, „გალათასარაიმ“ უკვე მიაღწია შეთანხმებას „ნაპოლისთან“ და მზად არის ფეხბურთელის სანაცვლოდ 65 მილიონი ევრო გადაიხადოს. შეთანხმება ითვალისწინებს, რომ სტამბოლური კლუბი თანხას სამ ეტაპად დაფარავს, ოსიმენს კი წელიწადში 12 მილიონ ევროს გადაუხდის ხელფასის სახით. ამ ეტაპზე უცნობია, რამდენად სურს თავად ფეხბურთელს კარიერის გაგრძელება თურქეთის სუპერლიგაში.

ოსიმენი „გალათასარაიში“ დიდებულ სეზონს ატარებს – მან სულ ცოტა ხნის წინ ისტორიული შედეგი დააფიქსირა და გახდა პირველი ლეგიონერი, რომელმაც თურქეთის ჩემპიონატში ერთ სეზონში 35 გოლი გაიტანა.

ფორვარდით სერიოზულად ინტერესდებიან საუდის არაბეთის კლუბებიც, თუმცა „გალათასარაი“ იმედოვნებს, რომ ოსიმენის შენარჩუნებას მაინც შეძლებს.