კვარას უთამაშებლობის მიზეზი შაკიკია, თუმცა ინტერს თავსატკივარს გაუჩენს

ფრანგულმა გამოცემა „პარიზიენმა“ ჩემპიონთა ლიგის ფინალამდე რამდენიმე დღით ადრე „პარი სენ-ჟერმენის“ დამაჯერებელ გამარჯვებას თასის ფინალში ყურადღება მიაქცია და ხვიჩა კვარაცხელიას არყოფნაზეც გაამახვილა ყურადღება. პარიზელებმა „რეიმსი“ 3:0 დაამარცხეს და უმაღლეს ფორმაში შეხვდნენ სეზონის გადამწყვეტ შეხვედრას.

„მოგებამ და მასთან ერთად მოსულმა ემოციამ „პსჟ“ მუხტით უნდა აავსოს და გუნდის თავდაჯერებულობა კიდევ უფრო გაზარდოს. ფეხბურთელები მზად არიან თავისი კარიერის ყველაზე დიდ გამოწვევას შეხვდნენ. დღევანდელი შედეგი „პარი სენ-ჟერმენის“ ძლიერ პოტენციალზე მეტყველებს“, – წერს გამოცემა.

ხვიჩა კვარაცხელია ფინალში არ გამოჩენილა – მას მიგრენის შეტევა ჰქონდა და ტკივილის გამო შესვენებაზე გუნდი დატოვა. ჟურნალისტები არ გამორიცხავენ, რომ სამკურნალო აბების მიღების შემდეგ თავსატკივარი უკვე მილანის „ინტერს“ გაუჩინოს.