ხვიჩა კვარაცხელიამდე ეს მხოლოდ ერთმა მოთამაშემ შეძლო - ვინ მოიგო ერთ სეზონში 4 ტიტული

საქართველოს ეროვნული ნაკრებისა და „პარი სენ-ჟერმენის“ შემტევმა, ხვიჩა კვარაცხელიამ 2024/25 წლების სეზონი უმაღლეს დონეზე დააგვირგვინა — ჩემპიონთა ლიგის ფინალში „ინტერის“ 5:0 განადგურების შემდეგ, მის აქტივში სეზონში მოპოვებული ოთხი ტიტული ჩაიწერა.

ხვიჩამ სეზონი „ნაპოლიში“ დაიწყო და იტალიურ კლუბთან ერთად სერია A-ს გამარჯვებული გახდა. იანვარში „პარი სენ-ჟერმენს“ შეუერთდა და პარიზელებთან ერთად საფრანგეთის ჩემპიონობა, ქვეყნის თასი და ჩემპიონთა ლიგა მოიგო.

მსგავსი შედეგი მხოლოდ ერთ ფეხბურთელს აქვს დაფიქსირებული — ესპანელი მცველი ალვარო ოდრიოსოლა, რომელმაც 2019/20 წლების სეზონში ასევე ორ სხვადასხვა კლუბთან ერთად ოთხი ტიტული მოიპოვა. ოდრიოსოლამ სეზონი მადრიდის „რეალში“ დაიწყო და ზამთარში იჯარით მიუნხენის „ბაიერნში“ გადავიდა. საბოლოოდ, ლა ლიგა „ბლანკოსმა“ მოიგო, ხოლო „ბაიერნმა“ ბუნდესლიგა, გერმანიის თასი და ჩემპიონთა ლიგა მოიპოვა.

ამჟამად 29 წლის ოდრიოსოლა „სოსიედადის“ ღირსებას იცავს.