ფინალამდე 2 დღით ადრე კვარამ ტრავმა მიიღო - პსჟ-ს პრეზიდენტი

პარი სენ-ჟერმენის" პრეზიდენტმა ნასერ ალ-ხელაიფმა Al-Kass ინტერვიუ მისცა, სადაც საინტერესო საკითხებზე ისაუბრა. პარიზელთა პრეზიდენტმა ხვიჩა კვარაცხელიაზე აქამდე უცნობი ისტორია გაიხსენა. მისი თქმით, ჩემპიონთა ლიგის ფინალამდე 2 დღით ადრე "კვარამ" ვარჯიშის დროს ტრავმა მიიღო.

"გერმანიაში გამგზავრებამდე ბოლო ვარჯიშის დროს, რომელმაც კამერების გარეშე ჩაიარა, ხვიჩა კვარაცხელია თანაგუნდელს შეეჯახა და მძიმე დაზიანება მიიღო. მას მოედნის დატოვება დამოუკიდებლადაც კი არ შეეძლო.

ლუის ენრიკე ძალიან ნერვიულობდა, ის მზად იყო ხვიჩასთვის დასვენების საშუალება მიეცა და მატჩის წინა ვარჯიშზე არ ევარჯიშა, თუმცა მადლობა ღმერთს, რომ მოტეხილობა არ აღმოჩნდა და ყველაფერი კარგად დასრულდა.

ამ ყველაფრის შემდეგ კვარაცხელიამ ფინალი ითამაშა, რომელიც ფანტასტიკურად ჩაატარა. ეს არის ის მენტალიტეტი, რის გამოც ფეხბურთელებს ვყიდულობთ. მათ უყვართ საკუთარი საქმიანობა და ამას მთელი გულით აკეთებენ" - განაცხადა ალ-ხელაიფმა.

ხვიჩა კვარაცხელია პარი სენ-ჟერმენს იანვარში შეუერთდა, მას შემდეგ ჩემპიონთა ლიგაზე 9 მატჩში 3 გოლით და 2 საგოლე პასით გამოირჩა, ხოლო ყველა ტურნირზე 25 თამაშში 7 გოლი, 5 საგოლე პასი და 1 მოპოვებული პენალტი მიითვალა. პსჟ-მ ამ სეზონში საფრანგეთის სუპერთასი, საფრანგეთის ჩემპიონატი, საფრანგეთის თასი მოიგო, კვარას ტიტულებში მხოლოდ სუპერთასი არ შედის, რადგან იმ დროს ჯერ კიდევ „ნაპოლიში“ ირჯებოდა.