საქმე სერიოზულადაა? - ხვიჩა კვარაცხელია პსჟში, რა ხდება რეალურად

"პარი სენ ჟერმენმა" სამიზნეში "ნაპოლის" ქართველი ვარსკვლავი, ხვიჩა კვარაცხელია ამოიღო, - იუწყება SportItalia.

წყაროს თანახმად, პარიზელები უკვე ემზადებიან კილიან მბაპესთან დასამშვიდობებლად, მის მემკვიდრედ კი "პარტენოპეის" 22 წლის გარემარბი შეირჩა.

ცხადია, "პსჟ-მ" შესანიშნავად იცის, რომ "ნაპოლის" პრეზიდენტი, აურელიო დე ლაურენტისი ხვიჩას იოლად არ შეელევა. სწორედ ამიტომ, ლიგა ერთის მოქმედი ჩემპიონები ნეაპოლელებს 120 მილიონ ევროს შესთავაზებენ.

შეგახსენებთ, რომ მბაპეს "პარი სენ ჟერმენთან" კონტრაქტი ივლისში ეწურება, რაც კლუბს მისი შემცვლელის პოვნის გადაუდებელ აუცილებლობას უჩენს.

რაც შეეხება ხვიჩას, მიმდინარე სეზონში მის ანგარიშზე 5 გოლი და 4 საგოლე გადაცემაა.