ესპანეთის ნაკრების მწვრთნელი - ამიტომ შევცვალე ლამინ იამალი პორტუგალიასთან მატჩში

უეფას ერთა ლიგის ფინალის გამარჯვებული პორტუგალიის ნაკრები გახდა. პორტუგალიელებმა ესპანეთის ნაკრები თერთმეტმეტრიანების სერიაში (5:3) დაამარცხეს და ერთა ლიგის ტიტული ისტორიაში მეორედ მოიპოვეს.

მატჩის დასრულებისა და ფინალში მარცხის შემდეგ, ესპანეთის ნაკრების მთავარმა მწვრთნელმა - ლუის დე ლა ფუენტემ, ჟურნალისტების კითხვებს უპასუხა.

,,მარცხი ყოველათვის სამწუხაროა, მითუმეტეს ფინალში და მაშინ, როდესაც ტიტულამდე მხოლოდ 1 ნაბიჯიღა გაკლია.

ვულოცავ პორტუგალიის ნაკრებს გამარჯვებას - რაც შეეხება ჩვენს მატჩს, თამაში გაგვიჭირდა, სივრცეები ძალიან ცოტა მოგვეცა, თუმცა საკმაოდ ბევრი რეალური მომენტი გვქონდა.

რაც შეეხება იმ კითხვას, რაც ყველაზე მეტად გაინტერესებთ - იამალი იმიტომ შევცვალე, რომ მოედანზე ახალი სიცოცხლე და ენერგია იყო საჭირო. თქვენ უნდა დაიჯეროთ ის, რომ ლამინე ჯერ მხოლოდ 17 წლის არის, ურთულესი და დატვირთული სეზონი ჰქონდა და ყველა თამაშში ისეთი კაშკაშა ვარსკვლავი ვერ იქნება, როგორიც მთელი სეზონის განმავლობაში იყო." - ლუის დე ლა ფუენტე

შეგვიძლია თამამად ვთქვათ, რომ მან ნუნო მენდეშმა, 17 წლის ფეხბურთელი ძალიან დაჩაგრა - ამ აზრს ის სტატისტიკაც ამყარებს, რომ იამალმა პორტუგალიასთან მატჩის მიმდინარეობისას, სათამაშო პოზიცია 22-ჯერ დაკარგა, მოედანი კი 106-ე წუთზე დატოვა.