ჯუღელს შეხვედრაც არ აღირსეს - დე ლაურენტისი პირობებს არ თანხმდება

Corriere dello Sport ხვიჩა კვარაცხელიას ახალი კონტრაქტთან დაკავშირებული საგის შესახებ დამატებით ცნობით ავრცელებს.

იტალიური გამოცემა იუწყება, რომ "ნაპოლის" ვარსკვლავის აგენტი საქართველოში დაბრუნდა. მხარეებს შორის რამდენიმე დღის განმავლობაში მიმდინარე მოლაპარაკებები უშედეგოდ დასრულდა.

CDS-ის თქმით, მამუკა ჯუღელი კვირების განმავლობაში ელოდა "პარტენოპეის" პრეზიდენტ, აურელიო დე ლაურენტისთან შეხვედრას, მაგრამ მისი სურვილი არ დაკმაყოფილდა. ამის მიზეზი თავად დე ლაურენტისის პოზიციაა - იგი ჯუღელის მოთხოვნებს მიუღებლად მიიჩნევს.

"ჯუღელი ნეაპოლში დე ლაურენტისთან მოლაპარაკების მიზნით ჩავიდა. ხვიჩას აგენტი წელიწადში 5 მილიონ ევროსა და ბონუსებს ითხოვდა, "ნაპოლი" კი მხოლოდ 3.5 მილიონ ევროს იხდიდა.

აგენტი ახლა საქართველოშია," - წერს Corriere dello Sport.

შეგახსენებთ, რომ "ნაპოლიმ" ხვიჩას აგენტთან რაიმე მოლაპარაკებების წარმოება ოფიციალური განცხადებით უარყო.