“თქვენ ამბობთ, რომ ბევრ ფულს ვხარჯავთ..." - ლივერპულის მთავარი მწვრთნელის პრესკონფერენცია

“თქვენ ამბობთ, რომ ბევრ ფულს ვხარჯავთ, მაგრამ შეიძლება არ იცოდეთ, რომ გაყიდვებიდან 300 მილიონი მივიღეთ. კომპლიმენტად აღვიქვამ, რადგან ხალხი ფიქრობს, რომ ახალი მოთამაშეები ძალიან კარგები არიან და ჩვენ ბაზარზე კარგი სამუშაო გავწიეთ. ვფიქრობ, ეს მართალია. ჩვენ ასევე შევძელით გუნდის საშუალო ასაკის შემცირება.

სხვა გუნდები 27 წლის ფეხბურთელების დამატებას ამჯობინებენ, რადგან ისინი უკვე მზად არიან, ჩვენ კი 21 ან 22 წლის ფეხბურთელები გვყავს, რომლებიც კი, მზად არიან, მაგრამ ისინი ჯერ კიდევ 21 და 22 წლის არიან. მათთან ოთხი ან ხუთი წლის მუშაობის შემდეგ, შეგიძლიათ მათი 80 მილიონად გაყიდვა, მაგრამ თუ ხანდაზმულ ფეხბურთელებს დაიმატებთ, მათი ამ ფასად გაყიდვა უფრო რთული იქნება.

ეს ჩვენი მოდელია და ვფიქრობ, რომ ეს ქებას იმსახურებს. მთელი ის ფული, რაც დავხარჯეთ, გაყიდვებიდან და გასულ სეზონში პრემიერლიგის მოგებით მივიღეთ, მას შემდეგ, რაც გასულ ზაფხულს არავინ დაგვიმატებია. სწორედ ამიტომ გვქონდა ეს ფული დასახარჯად - ჩვენ თვითონ გამოვიმუშავეთ".