წარმოუდგენელია - რა თანხა შესთავაზეს ვიქტორ ოსიმენს

"ნაპოლიდან" „გალათასარაიში“ იჯარით გაშვებული თავდამსხმელის ვიქტორ ოსიმენის მომავალი ისევ ბუნდოვანია.

როგორც ირკვევა, თავად ოსიმენს ევროპის დატოვება არ უნდა, მაგრამ „ალ ჰილალმა“ ისეთი პირობები შესთავაზა, ძალიან გაუჭირდება უარის თქმა. 

ფრანგული Foot Marketplace-ს ცნობით, საუდის არაბეთის“ კლუბი მზადაა ნიგერიელი ფორვარდი შეიძინოს, სამწლიანი კონტრაქტი გაუფორმოს და ამ ხნის განმავლობაში 120 მილიონი გადაუხადოს.

გარდა ამისა, „ალ ჰილალი“ ჩქარობს, რათა ფეხბურთელი მალე წაიყვანოს, თანაგუნდელებთან შეთამაშება შეძლოს და 18 ივნისს, მსოფლიო საკლუბო ჩემპიონატის პირველ ტურში „რეალთან“ დასაპირისპირებლად მზად იყოს.