წარმოუდგენელი ციფრები - რა თანხა შესთავაზა "ალ ჰილალმა" ოსიმენს

გამოცემა Fanatic-ი ვიქტორ ოსიმენთან დაკავშირებით საინტერესო ინფორმაციას ავრცელებს.

წყაროს ცნობით, "ალ ჰილალი" ნიგერელ ფორვარდს არ ეშვება და ამჯერად ახალი შეთავაზება გააკეთა.

მას შემდეგ, რაც ვიქტორმა არაბული კლუბის ორი შეთავაზება უარით გაისტუმრა, არაბულმა კლუბმა შეთავაზება გაზარდა და ვიქტორ ოსიმენს, ხელფასის სახით, წელიწადში 50 მილიონი ევრო შესთავაზა. 

აღსანიშნავია, რომ "ალ ჰილალმა" უკვე თანხმობა განაცხადა, რომ "ნაპოლის" ნიგერიელის გამოსასყიდი თანხა, 75 მილიონი ევრო გადაუხადოს. 

გარდა ამისა, იტალიურ პრესაში რამდენიმე დღის წინ გავრცელდა ინფორმაცია, რომ ოსიმენს "ნაპოლიში" დაბრუნება და ძირითადი შემადგენლობისთვის ბრძოლა სურდა, თუმცა ნიგერიელის მომავალი ჯერჯერობით გაურკვეველია.

ცნობისთვის, ვიქტორმა გასული სეზონი იჯარის წესით "გალათასარაიში" გაატარა, სადაც თურქეთის ჩემპიონატში თავი 26 გატანილი გოლით გამოიჩინა.