"დე ლაურენტისის ეს რეაქცია ხვიჩას გოლზე ამას მიანიშნებს" - რას წერენ იტალიურ მედიაში

ბოლო დღეებში იტალიური მედიის განხილვის მთავარი საგანი ხვიჩა კვარაცხელიას ნაჩვენები ბრწყინვალე პერფორმანსი გახდა.

ქართველმა ვინგერმა მოპოვებულ პენალტთან და მითვლილ საგოლე გადაცემასთან ერთად, ულამაზესი გოლიც გაიტანა.

აღსანიშნავია, რომ ქართველის გოლის მომენტში რეჟისორებმა "ნაპოლის" პრეზიდენტის, აურელიო დე ლაურენტისის რეაქცია შეამჩნიეს, რაზეც იტალიურ მედიაში საინტერესო სტატია გამოაქვეყნეს.

"შეამჩნიეთ დე ლაურენტისის რეაქცია ხვიჩას გატანილ გოლზე? პრეზიდენტის რეაქცია მიგვანიშნებს, რომ იგი ნამდვილად ბედნიერია, რომ მისმა აღმოჩენამ მაღალ დონეზე თამაში კვლავ დაიწყო.

"დე ლაურენტისის ერთი ჩაღიმება ყველაფერზე კარგად მეტყველებს", - წერენ იტალიურ მედიაში.