"გრცხვენოდეს! სირცხვილია!" - რა გააკეთა მაძარიმ ფინალის შემდეგ

როგორც მოგეხსენებათ, იტალიის სუპერ თასის ფინალში "ნაპოლი" მილანის "ინტერთან" 1:0 დამარცხდა.

აღნიშნულ შეხვედრაში მსაჯობით "პარტენოპეის" მთავარი მწვრთნელი, ვალტერ მაძარი ძლიერ უკმაყოფილო იყო.

მას შემდეგ კი, რაც ჯოვანი სიმეონე მოედნიდან გააძევეს, იტალიელმა სპეციალისტმა მთავარ არბიტრს შემდეგი სიტყვები მიაძახა: "გრცხვენოდეს! სირცხვილია! აი, როგორ აფუჭებ თამაშს".

აქვე უნდა ვთქვათ ისიც, რომ ვალტერი პროტესტის ნიშნად არც დაჯილდოვებაზე გამოცხადდა და მედიასთან კომენტარზეც უარი განაცხადა.