ენრიკემ კვარას და სხვების გამო 70 მილიონიანი ტრასფერი დაბლოკა - ვის შეძენაზე თქვა უარი ესპანელმა სპეციალისტმა

ფრაგნული გამოცემა "L'equpe" "პსჟ"-ს სატრანსფერო გეგმების შესახებ ახალ ცნობას ავრცელებს.

წყაროს ცნობით, კლუბის სპორტულმა დირექტორმა, ლუიშ კამპუშმა ლუის ენრიკეს ლისაბონის "სპორტინგის" თავდამსხმელის, ვიქტორ გიოკერეშის დამატება შესთავაზა.

როგორც იწერება, ესპანელმა სპეციალისტმა ამ ტრანსფერზე უარი განაცხადა, ის თვლის, რომ გუნდში ცენტრალური შემტევის საჭიროება არ არსებობს, მით უმეტეს, რომ გიოკერეშის ტრანსფერი მინიმუმ 70 მილიონი ევრო დაჯდება.

აქვე შეგახსენებთ, რომ 26 წლის შვედმა ფორვარდმა მიმდინარე სეზონში  33 მატჩში 39 გოლი გაიტანა და 7 საგოლე გადაცემა გააკეთა.