"გუნდში ბევრი ვარსკვლავი მყავს, ასე რომ..." - ლუის ენრიკეს საინტერესო კომენტარი

"ჩემი აზრით, ჩემპიონთა ლიგის ბოლო წლების ერთ-ერთი საუკეთესო ფინალი გველოდება. „ინტერი“ სტანდარტულებისას ძლიერია. იმედი მაქვს, ისეთი გახსნილი თამაში არ იქნება, როგორიც „ბარსელონასთან“ იყო. ეს ინდივიდუალურად გამორჩეული გუნდია, ფიზიკურად ჩვენზე ძლიერია, თუმცა ჩვენს წინააღმდეგაც ძნელია დაპირისპირება.

დავიმატეთ ფეხბურთელები, რომელთა დამატება მჭირდებოდა. გუნდში ბევრი ვარსკვლავი მყავს, ერთ მოთამაშეზე არ ვართ დამოკიდებული. მნიშვნელოვანია თავდამსხმელები მცველებს დაეხმარონ.

საფრანგეთის თასის ფინალი „ინტერთან“ მატჩისთვის იდეალური მოსამზადებელი შეხვედრაა. ზეწოლა დიდია, რასაც უნდა გავუძლოთ".