სრული სიგიჟე - რა ეწერა ნეიმარის მიერ გაფორმებულ კონტრაქტში "პსჟ"-სთან

მას შემდეგ, რაც ფეხბურთის ისტორიაში ერთ-ერთი ყველაზე მოულოდნელი ტრანსფერი დადასტურდა და ნეიმარი "ბარსელონადან" "პსჟ"-ს შეუერთდა, არაერთი საუბრები იყო ბრაზილიელის გაფორმებულ კონტრაქტზე.

აღნიშნულ საკითხზე "კრისტალ პალასის" აკადემიის მწვრთნელმა ლუის ბრაიონმა Ball Talk-ის პოდკასტში ნეიმარის შესახებ საინტერესო ისტორია გაიხსენა.

"ყველაზე გიჟური პუნქტი კონტრაქტში რაც გამიგია, ნეიმარს და პსჟ-ს უკავშირდება. 

"სამწვრთნელო კურსზე, პსჟ-ს შტაბის წევრთან ერთად ვიყავი. მან თქვა, რომ ნეიმარს კონტრაქტში ისეთი პუნქტი ჰქონდა, რომ ყოველ ჯერზე, როდესაც ის მატჩის შემდეგ ფანებს ტაშს დაუკრავდა, ის ბონუსის სახით 200 000 ევროს მიიღებდა", - განაცხადა ბრაიონმა.

შეგახსენებთ, რომ ნეიმარი პსჟ-ს 2017 წელს, "ბარსელონადან" სარეკორდო 222 მილიონ ევროდ შეუერთდა, რაც დღემდე რეკორდული ტრანსფერია.