"ამას მიჩვეულები არ ვართ!" - ენრიკე მონაკოსთან მატჩის შემდეგ გაბრაზდა

საფრანგეთის ლიგა 1-ის 25-ე ტურში "პსჟ"-მ საკუთარ მოედანზე "მონაკო" მიიღო და 1:3 დამარცხდა.

მატჩის დასრულების შემდეგ პარიზელთა თავკაცმა, ლუის ენრიკემ პრესკონფერენცია გამართა:

“მატჩის რამდენიმე მონაკვეთში ძალიან არაზუსტები ვიყავით. რამდენიმე უჩვეულო შეცდომა დავუშვით. როდესაც ამას კარგი გუნდის წინააღმდეგ აკეთებ, საფასურს იხდი. თავიდანვე საჩუქარი გავუკეთეთ.

არ მინდა, ახლა ამ გუნდის მიმართ რწმენა დავკარგო. ბოლომდე ბრძოლის მენტალიტეტი გამოვავლინეთ. ეს საუკეთესო შედეგი არ არის, მაგრამ გამოწვევებით ვვითარდებით.

ცხადია, რომ გვიჭირს. იმედი უნდა გვქონდეს, რომ სიტუაციას შევცვლით.

გოლების გაშვებას მიჩვეულები არ ვართ. ვცდილობ, ეს პესიმისტური მომენტი დავაბალანსო. შეგვიძლია, ყველაფერი შევცვალოთ და სწორედ ამის გაკეთებას ვეცდებით” – განაცხადა ესპანელმა სპეციალისტმა.