სასიხარულო ინფორმაცია "პარის სენ-ჟერმენთან" დაკავშირებით

„პარი სენ-ჟერმენის“ პორტუგალიელი ნახევარმცველის, ვიტინიას ტრავმის შესახებ ფრანგულმა კლუბმა განახლებული ინფორმაცია გაავრელა.

კლუბის ცნობით, პორტუგალიელი ფეხბურთელის მარჯვენა ქუსლის მდგომარეობა გაუმჯობესებულია და რეაბილიტაციის პროცესი დადებითი დინამიკით მიმდინარეობს. სამედიცინო შტაბის შეფასებით, ყველაფერი გეგმის მიხედვით ვითარდება, რაც მოთამაშის მოედანზე დაბრუნების პერსპექტივას ზრდის.

ამ ეტაპზე ვიტინია ინდივიდუალური პროგრამით ვარჯიშობს და საერთო ჯგუფთან ერთად ჯერ არ არის. პარიზულ კლუბში იმედოვნებენ, რომ ნახევარმცველი უახლოეს პერიოდში სრულფასოვან მზადებას შეძლებს.

„პარი სენ-ჟერმენმს“ 28 აპრილს ჩემპიონთა ლიგაზე მიუნხენის „ბაიერნთან“ პირველი ნახევარფინალური შეხვედრა ელის.

ვიტინია მიმდინარე სეზონში პსჟ-ს ერთ-ერთი მნიშვნელოვანი ფიგურაა. 26 წლის ფეხბურთელმა ყველა ტურნირზე 45 შეხვედრაში მიიღო მონაწილეობა და 7 გოლი გაიტანა.