შეთავაზება პრემიერ ლიგიდან! - ლუის ენრიკეზე ახალი ცნობები ვრცელდება

ბოლო ცნობების მიხედვით, მანჩესტერ იუნაიტედს სურს, რომ მომავალი სეზონიდან მთავარი მწვრთნელის პოსტზე ლუის ენრიკე დანიშნოს.

ფრანგულ მედიაში გავრცელებული ინფორმაციის თანახმად, ინგლისური გრანდი ესპანელი სპეციალისტის სიტუაციას აკვირდებოდა და მისი მიწვევის ვარიანტსაც განიხილავდა.

თუმცა ენრიკე მთლიანად კონცენტრირებული დარჩა საკუთარ პროექტზე პარის სენ-ჟერმენში და კლუბის დატოვება არც ერთ ეტაპზე არ განუხილავს.

ესპანელი მწვრთნელი პარიზულ გუნდში თავს კომფორტულად გრძნობს და მიმდინარე პროექტის გაგრძელება სურს, განსაკუთრებით იმ პროგრესის ფონზე, რომელიც პსჟ-მ ბოლო პერიოდში აჩვენა.