ადგილი უნდა დაიმსახურო! - ლუის ენრიკეს ახალი მიდგომა

ლუის ენრიკეს სურს, პარის სენ-ჟერმენში ძირითადი და სათადარიგო ფეხბურთელების დაყოფა აღარ არსებობდეს. 

L’Équipe-ის ინფორმაციით, ესპანელმა სპეციალისტმა გასახდელში გუნდს მკაფიო გზავნილი გადასცა: „აღარ არიან ძირითადი ფეხბურთელები და აღარ არიან სათადარიგოები“.

ამიერიდან, ფეხბურთელებს საკუთარი ადგილი ყოველდღიურად უნდა დაიმსახურონ, მიუხედავად მათი სტატუსისა თუ წარსულში მიღწეული შედეგებისა. თუ რომელიმე მოთამაშის საწვრთნელი კვირა ენრიკეს მოთხოვნებს ვერ დააკმაყოფილებს, ის შესაძლოა მატჩის განაცხადს მიღმაც დარჩეს.

56 წლის სპეციალისტს სურს, ფეხბურთელები კომფორტის ზონიდან გამოიყვანოს და გუნდში მუდმივი კონკურენცია შექმნას. 

ენრიკემ მანამდეც აღნიშნა, რომ ტიტულების მოსაგებად მას მხოლოდ 11 ფეხბურთელი კი არა, მთელი 23-კაციანი შემადგენლობა სჭირდება.