"ხვალ ჩემს თავს ვახშამს მოვუმზადებ და რეალი - არსენალს წყანარად ვუყურებ" - ლუის ენრიკეს კომენტარი ასტონ ვილასთან მატჩის შემდეგ

როგორც მოგეხსენებათ, პსჟ-მ ჩემპიონთა ლიგის 1/4-ფინალში ასტონ ვილა ორი მატჩის ჯამში დაამარცხა და შემდეგი ეტაპის საგზური მოიპოვა.

შეხვედრის შემდეგ პარიზელთა მთავარმა მწვრთნელმა ლუის ენრიკემ მედიასთან კომენტარი გააკეთა:

"ეს მატჩი დიდი ხანი არ დამავიწყდება. ვიცოდით რომ ჩემპიონთა ლიგის ნახევარფინალში გასვლა რთული იყო. თამაში კარგად დავიწყეთ, მაგრამ შემდეგ პრობლემები გვქონდა.

პირველ ტაიმში ნაჩვენებმა თამაშმა ჩვენი თავდაჯერება გაზარდა, თუმცა ყოველთვის უნდა ცდილობდე, რომ თამაში გააუმჯობესო. 

ამ თამაშმა გვასწავლა, რომ ზედმეტად თავდაჯერებული არასდროს უნდა იყო. საფეხბურთო შეხვედრაში ვითარება შესაძლოა ნებისმიერ მომენტში შეიცვალოს, ამისთვის მზად უნდა იყო.

მადლობა პსჟ-ს ქომაგებს მხარდაჭერისთვის, რომლებიც ყოველთვის ჩვენს გვერდით არიან.

მინდა ვთქვა, რომ ასტონ ვილა ძალიან კარგი გუნდია, მათ ბევრი მაღალი დონის ფეხბურთელი ჰყავთ.

ზედიზედ მეორე სეზონში ნახევარფინალში გავედით. ვფიქრობ წელს უკეთესი გუნდი გვყავს, ვპროგრესირებთ და წინ მივიწევთ თასების მოპოვებისკენ

ხვალ ჩემს თავს ვახშამს მოვუმზადებ და რეალი - არსენალს წყანარად ვუყურებ", - განაცხადა ენრიკემ.