ჯუღელმა სერია ა-ს კლუბს დავითაშვილი შესთავაზა - ვის სურს ქართველის ყიდვა

იტალიურ მედიაში სენტ-ეტიენისა და საქართველოს ნაკრების შემტევის, ზურიკო დავითაშვილის შესახებ ახალი ინფორმაცია ვრცელდება.

როგორც იწერება, ნაპოლი ბოლონიადან დე ნდოიეს შეძენას ცდილობს.

პარტენოპეის შვეიცარიელი შემტევის ყიდვა ძალიან სურს.

ამასობაში კი ბოლონია მისი შემცვლელის კანდიდატურებს განიხილავს, ერთ-ერთი კი სწორედ დავითაშვილია.

Il Resto del Carlino იუწყება, რომ იტალიურ კლუბს ზურიკოს შეძენა მამუკა ჯუღელმა პირადად ურჩია.

თავის მხრივ დავითაშვილის შენარჩუნება სენტ-ეტიენსაც სურს - მათი მისია ლიგა 1-ში დაბრუნებაა.

ისინი ქართველში 15-20 მილიონ ევროს ითხოვენ, რაც პატარა კლუბებისთის დიდი თანხაა.