გიორგი მიქაუტაძე ისევ იყიდება! - ლიონმა გადაწყვეტილება შეცვალა

"ლიონი, რომელსაც ფინანსური პრობლემები აქვს, კვლავ ეძებს ფულს და შესაძლოა, ზაფხულის სატრანსფერო ფანჯრის ბოლომდე თავისი საუკეთესო მოთამაშეების გაყიდვა მოუწიოს. როგორც ადრე ვთქვით, მალიკ ფოფანა, "ლომების" ყველაზე ძვირადღირებული ფეხბურთელი, გუნდიდან წასვლას აპირებს. ახალგაზრდა ვინგერს, რომლის კონტრაქტიც 2028 წლის 30 ივნისამდეა გათვლილი, შეუძლია კლუბისთვის საკმაოდ კარგი თანხა გამოიმუშაოს.

ჩვენი ინფორმაციით, ბელგიელი ერთადერთი ფეხბურთელი არ არის, რომელმაც შესაძლოა კლუბი მომავალ ორშაბათამდე, ზაფხულის სატრანსფერო ფანჯრის დახურვისას დატოვოს. ლიონის ხელმძღვანელობა ახლა ღიაა 24 წლის გიორგი მიქაუტაძის ტრანსფერის შესაძლებლობისთვისაც. ლიონში დაბადებული საქართველოს ნაკრების თავდამსხმელი (37 მატჩი, 20 გოლი) ლიონში გაიზარდა და კლუბთან კონტრაქტი 2028 წლის 30 ივნისამდე აკავშირებს.

იდეალურ შემთხვევაში, ლიონს თავისი 69-ე ნომრის გაყიდვა დიდი თანხის სანაცვლოდ სურს, რომლის საბაზრო ღირებულებაც Transfermarkt-ის მიერ 22 მილიონ ევროდაა შეფასებული. შეგახსენებთ, რომ "მეფე ჟორჟი" ლიონში 2024 წლის ზაფხულში მეციდან დაბრუნდა. მაშინ ლიონმა 18.5 მილიონი ევრო გადაიხადა (+ 4.5 მილიონი ევრო ბონუსების სახით, ასევე 1 მილიონ ევრომდე პროცენტი მომდევნო შესაძლო ტრანსფერზე)", - წერს გამოცემა.