"გარდამტეხი მომენტი გიორგის ლივერპულურ კარიერაში" - რას წერს ინგლისური გამოცემა ქართველზე

"From zero to hero - მამარდაშვილის ყველაზე დიდი მომენტი ლივერპულულ კარიერაში ეტიჰადზე შედგა. მე-10 წუთზე კონატეს საშინელი მოგერიების შემდეგ დოკუ ლივერპულის მეკარესთან ერთი-ერთზე აღმოჩნდა. ქართველი მეკარე კარიდან სწრაფად გამოვიდა, დოკუმ კი მისი მოტყუება სცადა, რომ უკეთესი კუთხიდან დაერტყა. მიუხედავად იმისა, რომ მამარდაშვილის ფეხი დოკუს არ შეხებია, მისი მუხლი შეეხო და VAR-ზე გადამოწმების შედეგად, პენალტი დაინიშნა.მიუხედავად იმისა, რომ ლიგაში ყველაზე კარგ ფორმაში მყოფი ჰაალანდის წინააღმდეგ იყო, მამარდაშვილმა კუთხე გამოიცნო და მარცხენა ხელით ბურთი მოიგერია. ეს მისი სპეციალობაა. 2023/24 სეზონების შემდეგ ევროპის ტოპ-5 ლიგაში არცერთ მეკარეს მოუგერიებია იმაზე მეტი პენალტი, ვიდრე მამარდაშვილს.

25 წლის მეკარე ზაფხულში ვალენსიადან მივიდა - 1 წლის შემდეგ, რაც 25-მილიონიანი კონტრაქტი შეათანხმეს - ის გუნდში ალისონის მომავალ შემცვლელად მოვიდა. ბრაზილიელმა მელარემ ტრავმა მიიღო გალათასარაისთან, რის შემდეგაც მამარდაშვილი რთული გამოწვევის წინაშე აღმოჩნდა.

მას რამდენიმე კარგი სეივი ჰქონდა, მაგრამ ასევე გარკვეული კითხვები გააჩინა ჩატარებულ 7 შეხვედრაში. ასტონ ვილასთან და მადრიდის რეალთან "მშრალი მატჩები" მისთვის დიდი მომენტი იყო, მიუხედავად იმისა, რაც დღეს მოხდა."