"ის მზად არ არის" - მარადონას შვილმა ხვიჩა კვარაცხელიას შემცვლელი გააკრიტიკა

ლეგენდარული დიეგო არმნადო მარადონას შვილმა, დიეგო მარადონმა ჯუნიორმა ერთ-ერთ გამოცემასთან ინტერვიუში ნაპოლის შესახებ ისაუბრა.

მან ხვიჩა კვარაცხელიას ერთ-ერთი შემცვლელის, ნოა ლანგის შესახებ გააკეთა კრიტიკული განცხადება:

"იმედი მაქვს, პოლიტანო მალე დაბრუნდება. მე არ მივეკუთვნები იმ ადამიანთა რიცხვს, რომლებიც ნოა ლანგის თამაშით აღფრთოვანებულები არიან.

ჩემი აზრით, ის არ არის ფეხბურთელი, რომელიც განსხვავებას ქმნის და ხვიჩას ჩაანაცვლებს. ლანგი ჯერჯერობით მზად არ არის, რომ "პარტენოპეის" ძირითადი შემადგენლობის ფეხბურთელი იყოს", - განაცხადა მარადონა ჯუნიორმა.