ხვიჩა კვარაცხელია ფეხბურთის ისტორიაში შევიდა - რა შედეგი დააფიქსირა ქართველმა

როგორც მოგეხსენებათ, საკონტინენტთაშორისო თასის ფინალში პარი სენ-ჟერმენმა ფლამენგო პენალტების სერიაში დაამარცხა და კლუბმა 2025 წელს მე-6 ტიტული ჩაიბარა.

გარდა ამისა რამდენიმე ფეხბურთელი ისტორიაში სამუდამოდ შევიდა - ვიტინია, ჟოაო ნევეში, გონსალო რამოში, ნუნო მენდეში და ხვიჩა კვარაცხელია გახდნენ ფეხბურთის ისტორიაში პირველი ფეხბურთელები, რომლებმაც ერთ კალენდარულ წელში 7 ტიტული მოიგეს.

პორტუგალიელებმა პსჟ-სან ერთად ლიგა 1, საფრანგეთის თასი, საფრანგეთის სუპერთასი, ჩემპიონთა ლიგა, უეფას სუპერთასი და საკონტინენტთაშორისო თასი მოიგეს, პორტუგალიის ნაკრებთან ერთად კი ერთა ლიგა.

რაც შეეხება კვარას, მან პარიზელებთან ერთად მოგებულ ტიტულებთან ერთად ნაპოლიში გატარებული ნახევარი სეზონის გამო სერია ა-ც მოიგო, რაც ჯამურად 7 ტიტულს უდრის.

7 ტიტული ერთ სეზონში მხოლოდ დასახელებულ ფეხბურთელებს აქვთ მოგებული.