მამარდაშვილი არც თასზე ითამაშებს? - რა განცხადება გააკეთა არნე სლოტმა მამარდაშვილი არც თასზე ითამაშებს? - რა განცხადება გააკეთა არნე სლოტმა » Footballnews მამარდაშვილი არც თასზე ითამაშებს? - რა განცხადება გააკეთა არნე სლოტმა

მამარდაშვილი არც თასზე ითამაშებს? - რა განცხადება გააკეთა არნე სლოტმა

6 საათის და 52 წუთის წინ

გიორგი სოხაძე

12 იანვარს ინგლისის ასოციაციის თასის მესამე რაუნდში ლივერპული ენფილდზე ბარნსლის უმასპინძლებს.

აღნიშნული მატჩის წინა დღეს მერსესაიდელთა მთავარმა მწვრთნელმა, არნე სლოტმა მედიასთან ისაუბრა.

ნიდერლანდელმა განაცხადა, რომ ის წინა წლისგან განსხვევბით შემადგენლობის მთლიანად შეცვლას აღარ აპირებს:

"გასულ სეზონში მივიღე გადაწყვეტილება, რომ ზოგიერთ ფეხბურთელს ასოციაციის თასზე დასვენება სჭირდებოდა, რადგან ყველა ფეხბურთელის ერთდროულად თამაში შეუძლებელია. თუმცა, ახლა ინგლისის ლიგის თასზე აღარ ვართ.

FA თასი ჩვენთვის ყოველთვის ძალიან მნიშვნელოვანი იყო, მაგრამ ზოგჯერ, როდესაც ჯერ კიდევ ლიგის თასისთვის, ჩემპიონთა ლიგისთვის და პრემიერლიგისთვის იბრძვი - იმ ფეხბურთელების რაოდენობის გათვალისწინებით, რომლებიც გასულ სეზონში გვყავდა და ახლაც გვყავს - არჩევანის გაკეთება გიწევს.

თუმცა, გარანტიას გაძლევთ, რომ ორშაბათს ყველა იმ მოთამაშეს ნახავთ, ვინც ხუთშაბათს ნახეთ, შესაძლოა რამდენიმე ცვლილებით, მაგრამ ისინი სათადარიგოთა სკამზე იქნებიან. ასე რომ, ეს განსხვავებული იქნება გასული სეზონისგან, როდესაც პლიმუთის წინააღმდეგ ვითამაშეთ", - განაცხადა სლოტმა.