უარი ძალიან დიდ თანხაზე! - ზურიკო დავითაშვილისთვის დიდი სატრანსფერო ომია გაჩაღებული

როგორც მოგეხსენებათ, სენტ-ეტიენი ქართველი შემტევის, ზურიკო დავითაშვილისთვის რამდენიმე გუნდი იბრძვის.

ფრანგულ მედიაში იწერება, რომ ზურიკოს შეძენა ბერძნულ ოლიმპიაკოსსაც სურს.

მათ სენტ-ეტიენს ქართველის თაობაზე ოფიციალურადაც მიმართეს და შეთავაზება 10,5 მილიონ ევროს + 3 მილიონი ევრო გაუკეთეს, თუმცა უარი მიიღეს.

საფრანგეთში მიაჩნიათ, რომ დავითაშვილი უფრო მეტი ღირს.

ადრე გავრცელებული ცნობებით, ზურიკოს ყიდვა ასევე ბეშიქთაშს, ევერტონსა და ბენფიკას სურთ.