მამარდა თუ ალისონი, ვინ ითამაშებს ტოტენჰემთან - არნე სლოტის პასუხი

პრემიერ ლიგის მომდევნო ტურში ლივერპული ტოტენჰემს დაუპირისპირდება.

როგორც მოგეხსენებათ, წინა მატჩში, გალათასარაისთან წითლების კარი გიორგი მამარდაშვილმა დაიცვა, რადგან ალისონ ბეკერი ვარჯიშზე დაშავდა.

გუნდის თავკაცმა, არნე სლოტმა ტეოტენჰემთან მომავალ მატჩზე ისაუბრა და მეკარის პოზიციასაც შეეხო:

"ალისონი აქამდე ფიზიოტერაპევტთან გადიოდა აღდგენის პროცესს. ვნახოთ, შემოგვიერთდება თუ არა ვარჯიშზე. ამის მოლოდინი მაქვს, მაგრამ 100%-ით დარწმუნებული არ ვარ. ჯერ მასთან და სამედიცინო პერსონალთან არ მისაუბრია.

ითამაშებს „ტოტენჰემთან“? მოლოდინი არ ნიშნავს, რომ 100%-ით დარწმუნებული ვარ. ბურთს როდესაც აწვდიდა, კუნთის პრობლემა შეექმნა. დაზიანება უმნიშვნელოა და ვფიქრობთ, მალე ჩადგება მწყობრში. გადატვირთული კალენდარი გვაქვს და სტამბოლში შეხვედრის გამოტოვება მოუწია. იმედი მაქვს, კვირას მზად იქნება. თუ არადა, გეგმის მიხედვით მის დაბრუნებას „გალათასარაისთან“ საპასუხო დაპირისპირებაში ველოდები“.

შეგახსენებთ, რომ მატჩი 15 მარტს, 20:30 საათზე დაიწყება.