გიორგი ჩუბინიძემ ბორნმუთთან პროფესიონალური კონტრაქტი გააფორმა - დეტალები

საქართველოს 19-წლამდელთა ნაკრების ფეხბურთელმა, გიორგი ჩუბინიძემ ბორნმუთის პირველ გუნდთან პროფესიონალური კონტრაქტი გააფორმა.

18 წლის ფეხბურთელის წარმომადგენლების ცნობით, გიორგი ბორნმუთის ასაკობრივ გუნდებში არ ითამაშებს.

ის სათამაშო დროის მიღების მიზნით ქვედალიგელ დონჩესტერში ითამაშებს.

თუმცა ეს იმას არ ნიშნავს, რომ ჩუბინიძე ბორნმუთს ტოვებს - არა.

ის ბორნმუთის ბაზაზე ვარჯიშობს და 21-წლამდე გუნდის განაცხადშიც ხვდება, თუმცა ზედმეტი ფეხბურთელების ყოფნის გამო აქ თამაში არ უწევს.

სწორედ ამიტომაც, გიორგიმ გადაწყვიტა, რომ სათამაშო დრო დონჩესტერში მიიღოს, სადაც მისი დებიუტი უკვე შედგა და თავი გოლითაც გამოიჩინა.

ფეხბურთელის წარმომადგენლებმა ასევე გვითხრეს, რომ ის დონჩესტერში 7-8 თამაშს ჩაატარებს, რაც ახალგაზრდა მოთამაშისთვის კარგი გამოცდილება იქნება.