რა შემთხვევაში გადავა კვარა პრემიერლიგაში და რას გეგმავს პსჟ ზაფხულში

საფეხბურთო გამოცემა Talksport ასტონ ვილას ახალგაზრდა ფეხბურთელის, მორგენ როჯერსით დაინტერესებული კლუბების შესახებ წერს.

წყაროს ცნობით, სიაში პარი სენ-ჟერმენიცაა. როგორც ირკვევა, ლუის ენრიკეს 23 წლის მოთამაშე ძალიან მოსწონს.

თუმცა საქმე მარტივად არ არის - როჯერსს ვილანებთან კონტრაქტი 2031 წლამდე აქვს გაფორმებული. კლუბი მას 80 მილიონ ფუნტზე იაფად არ დათმობს.

გამოცემა ასევე ხვიჩა კვარაცხელიას შესახებაც წერს, რომლითაც არსენალი ინტერსდება:

"მეთოფეები გორდონსა და კვარაცხელიას განიხილავენ. ენტონი „ბაიერნის“ რადარზეც იმყოფება, „პარი სენ-ჟერმენს“ კი ქართველი გარემარბის გაშვება არ სურს, რის გამოც მისი ტრანსფერის დახურვა ძალიან რთული იქნება“.

როგორც იწერება, პარიზელები ზაფხულში როჯერსის შეძენას ეცდებიან, თუმცა ხვიჩას გაყიდვა მაინც არ იგეგმება.