საქართველო გაიმარჯვებს - რა ფსონი განათავსა პორტუგალიელმა ქომაგმა

ევრო 2024-ის ჯგუფური ეტაპის უკანასკნელ მატჩში საქართველოს ნაკრები პორტუგალიის ეროვნულ გუნდს დაუპირისპირდება.

მერვედფინალში გასასვლელად "ჯვაროსნებს" შეიძლება აუცილებლად გამარჯვება დასჭირდეთ. არსებობს შანსი, ვილი სანიოლის შეგირდებს ქულაც ეყოთ, თუმცა ამის ალბათობა არც ისე მაღალია. რაც შეეხებათ "ნავიგატორებს", მათ F ჯგუფში პირველი ადგილი უკვე განაღდებული აქვთ.

როგორც ჩანს, პორტუგალიელთა სავარაუდო უმოტივაციოობამ და კიდევ იმ ფაქტმა, რომ რობერტო მარტინესმა შემადგენლობის როტაცია დაანონსა, უბიძგა ერთ-ერთ პორტუგალიელ ქომაგს, ფსონი საქართველოს ნაკრების გამარჯვებაზე დაედო.

სოციალურ ქსელში გავრცელებული ამბიდან ვიგებთ, რომ გულშემატკივარმა ქართველების მოგებაზე 1000 ევრო განათავსა.

სხვათა შორის, ბოლო დიდ ტურნირზე, სადაც პორტუგალიელებს ჯგუფში პირველობა ორი ტურის მერე ჰქონდათ განაღდებული, მესამე ტურის შეხვედრა მათ წააგეს - საუბარია 2022 წლის მუნდიალზე. სამხრეთ კორეის ნაკრებმა პირენეელებს 2:1 მოუგო და პლეი ოფში სწორედ ამ გამარჯვებით გავიდა.

აქვე გეტყვით, რომ ქართულ-პორტუგალიური ჯახი თბილისის დროით 23 საათზე დაიწყება.