სოლიდური ბონუსი საქართველოს ნაკრებს - ცნობილია, რამდენ მილიონს მიიღებს ჩვენი ეროვნული გუნდი

ბიძინა ივანიშვილის ფონდი „ქართუ“ საფეხბურთო ნაკრებს 30 მილიონ ლარს დაჰპირდა, თუ ის ევროპის ჩემპიონატის ქვეჯგუფიდან გავიდოდა.

ჩვენმა გუნდმა ეს მოახერხა, პორტუგალია 2:0 დაამარცხა და საუკეთესო 4 მესამეადგილოსანში მოხვედრით მერვედფინალის საგზური მოიპოვა.

„ევროპის ჩემპიონატის ქვეჯგუფიდან გასვლისთვის ფონდი „ქართუ“ საფეხბურთო ნაკრებს ჯილდოს სახით 30 მილიონ ლარს გადასცემს. ამასთანავე, ქვეჯგუფიდან გასვლის შემდეგ, ყოველი შემდეგი მატჩის მოგებისთვის ფონდი „ქართუ“ ეროვნულ ნაკრებს დამატებით 30 მილიონი ლარით დააჯილდოებს“, - წერია განცხადებაში.

სახელმწიფოსგან ჩვენმა ნაკრებმა ევრო 2024 -ზე მოხვედრისთვის 3.5 მილიონი ლარი მიიღო. 

რაც შეეხება უეფას ჯილდოს, ჯგუფურ ეტაპზე მოხვედრისთვის საქართველოს ეროვნულმა გუნდმა 9.5 მილიონი ევრო მიიღო, ხოლო მერვედფინალში გასვლისთვის დამატებით - 1.5 მილიონი.