ბუდუს მსურველი ტოპ ქვეყნებიდან ჰყავს! - სატრანსფერო სიახლეები

მედიაში გავრცელებული ცნობებით, საქართველოს ნაკრებისა და “კარლსრუეს” ფეხბურთელს, ბუდუ ზივზივაძეს სხვადასხვა ლიგიდან მსურველიბი გამოუჩნდნენ.

ამის შესახებ საფეხბურთო მენეჯერი ლაშა ოდილაძე ავრცელებს ინფორმაციას:

“ბუდუ ზივზივაძეს თურქეთის სუპერლიგის ერთ-ერთი კლუბის პრეზიდენტი და მწვრთნელი დაუკავშირდნენ, კონტრაქტის გაფორმება შესთავაზეს.”

“ახლა თავად ბუდუმ უნდა გადაწყვიტოს, უღირს თუ არა გერმანიიდან თურქეთში გადასვლა, ის ამ წინადადებაზე ფიქრობს.”

“ამას გარდა, ზივზივაძეს ასევე ინგლისის ჩემპიონშიფის გუნდშიც იწვევენ, მაგრამ სანამ მოლაპარაკებები მიმდინარეობს, კლუბების დასახელებას მოვერიდები“, – განაცხადა ლაშა ოდილაძემ.