მთავარი საიდუმლო - კონტრაქტის დეტალები ცნობილია, 2.5-ჯერ მეტი ხელფასი მამარდას

სხვადასხვა უცხოური გამოცემის ცნობით, გიორგი მამარდაშვილი ახლოსაა, რომ კარიერა "ლივერპულში" გააგრძელოს. 

გავრცელებული ინფორმაციით, თუ მოლაპარაკებებმა წარმატებით ჩაიარა, ქართველი მეკარე ახალ კლუბთან 4-წლიან კონტრაქტს გააფორმებს. 

რაც შეეხება მის ანაზღაურებას, როგორც ირკვევა, 23 წლის მეკარის წლიური ხელფასი 4 მილიონი ევრო გახდება. 

საგულისხმოა, რომ ამ ეტაპისთვის გიორგი ანაზღაურება 1.7 მილიონ ევროს შეადგენს და, ბუნებრივია, პრემიერ ლიგაში გადასვლის შემთხვევაში ეს ციფრები საგრძნობლად მოიმატებს. 

აქვე გეტყვით იმასაც, რომ "ლივერპული" მზადაა, მამარდაშვილის სანაცვლოდ 35 მილიონი ევრო გადაიხადოს.