გაირკვა - რა შემთხვევაში დავიკავებთ ჯგუფში პირველ ადგილს

საქართველოს ნაკრებმა ერთა ლიგის ახალი გათამაშების საწყისი ორი ტურიდან ორივე მოიგო.

"ჯვაროსნებმა" სახლში ჩეხეთი დაამარცხეს, გასვლაზე კი ალბანელებს სძლიეს.

ამ მომენტისთვის ჯგუფი ლიდერები ჩვენ ვართ 6 ქულით, 3-3 ქულა კი ჩეხეთსა და ალბანეთს აქვთ.

შემდეგი მატჩი 11 ოქტომბერს უკრაინასთან გასვლაზე გველის.

ჯგუფში პირველი ადგილის გასანაღდებლად მინიმუმ კიდევ 2 მატჩის მოგება და 6 ქულის მოპოვება იქნება საჭირო.

ამასთან ერთად იმ სხვაობაზე ნაკლებით წაგება გუნდებთან, რომლებიც დავამარცხეთ ან შემდეგში დავამარცხებთ.

ასეთი სიტუაცია საქართველოს ერთა ლიგის B დივიზიონის ა ქვეჯგუფში პირველ ადგილს გაუნაღდებს და მსოფლიოს შესარჩევიდან ვერ გასვლის შემთხვევაში ტურნირზე კვალიფიკაციის კიდევ ერთ შანსს მისცემს.

ასე და ამგვარად, ეს სანაკრებო პაუზა ჩვენთვის ძალიან კარგი გამოვიდა, ერთა ლიგას მშვენიერი ფორით ვიწყებთ.