რატომ არის მნიშვნელოვანი ერთა ლიგის ჯგუფში პირველი ადგილის დაკავება - ყველაფერი რაც უნდა იცოდეთ

საქართველოს ნაკრებმა ერთა ლიგა ზღაპრულად დაიწყო: 2-დან 2 გამარჯვება და დამაჯერებელი თამაში, ეს ისაა, რაც ქართველს გულშემატკივარს სურს.

საქართველოს ფეხბურთის ბოლო პერიოდში გაპოპულარების გამო ბევრმა ქომაგმა არ იცის, თურატომაა ერთა ლიგა ჩვენთვის ასეთი მნიშვნელოვანი ტურნირი.

მოგეხსენებათ, 2026 წელს საფეხბურთო სამყაროს მსოფლიო ჩემპიონატი ელის, რომელსაც აშშ, კანადა და მექსიკა უმასპინძლებენ.

სწორედ ამ ტურნირზე კვალიფიკაციისთვის გვჭირდება ერთა ლიგის ჯგუფში პირველი ადგილი. 

ეს ერთგვარი მეორე შანსია იმ გუნდებისთის, რომლებიც უშუალოდ ჩემპიონატის საკვალიფიკაციო ეტაპიდან ვერ მოახერხებენ გასვლას.

ერთა ლიგის ჯგუფის მოგებისა და მსოფლიოს საკვალიფიკაციო ეტაპის ვერ დაძლევის შემთხვევაში, დიდი ალბათობით, საქართველო ითამაშებს პლეი-ოფს A ან B დივიზიონის სხვა გუნდებთან, რომლებიც ასევე ვერ მოიპოვებენ ტურნირზე პირდაპირ თამაშის უფლებას.

დიდი ალბათობით იმიტომ, რომ ეს შანსი ჯერ A დივიზიონის გუნდებს ეძლევათ, თუმცა, როგორც წესი, მათთვის ეს საჭირო არ არის ხოლმე, რადგანაც პირდაპირ საკვალიფიკაციო ეტაპიდან ახერხებენ გასვლას, პლეი-ოფის თამაშის უფლება კი ავტომატურად B ლიგის გუნდებს ენიჭებათ.

გარდა ამისა, ჩვენი გუნდი აღზევდება A დივიზიონში რაც სასწაული შედეგი იქნება, რადგან საქართველომ ერთა ლიგის თამაში რანგით ყველაზე დაბალ D დივიზიონში დაიწყო.